Ish-nënkryetarja e Prishtinës, Donjeta Sahatçiu, ka njoftuar se në Tiranë ka përuruar shkollën e parë të lartë të kodimit me mësim jotradicional në rajon, shkruan AlbanianEducation.net
Ajo ka shkruar se ajo kishte pasur synim që kjo shkollë të hapet në Prishtinë, por që projekti ishte mbetur pezull padrejtësisht.
“Jeta ka një mënyrë të vetën me i çu deri në fund rrugëtimet që mbesin përgjysmë … Në Prishtinë, një prej kapitujve më domethënës të udhëtimit dyvjeçar në qeverisje ka qenë angazhimi me gjithë zemër me e mundësu hapjen e shkollës 42 në Prishtinë – një projekt që, ndonëse mbeti pezull padrejtësisht pas dy viteve punë, gjithmonë ka qenë një vizion që e kam dashtë me e pa të realizume. Një përpjekje e nisun prej besimi – në fuqinë e edukimit, në teknologjinë si mundësi, e në çka 42 mundet me u dhanë të rinjve tanë”.
“Në Prishtinë, çdo takim me ekipin e 42 e përfundoja atëherë me “Let’s do this!” – tash e them me zemrën plot: “We did it!” në Tiranë, e me një dëshirë që nuk shuhet – me e pa këtë vizion të gjallë edhe në Prishtinë”, ka shkruar ajo.
Postimi i plotë i Donjetës:
Jeta ka një mënyrë të vetën me i çu deri në fund rrugëtimet që mbesin përgjysmë …
Në Prishtinë, një prej kapitujve më domethanës të udhëtimit dyvjeçar në qeverisje ka qenë angazhimi me gjithë zemër me e mundësu hapjen e shkollës 42 në Prishtinë – një projekt që, ndonëse mbeti pezull padrejtësisht pas dy viteve punë, gjithmonë ka qenë një vizion që e kam dashtë me e pa të realizume. Një përpjekje e nisun prej besimi – në fuqinë e edukimit, në teknologjinë si mundësi, e në çka 42 mundet me u dhanë të rinjve tanë.
Një vit ma vonë, një kthesë e papritun e fatit më çoi në Tiranë – në një kohë e vend që sot ma shumë se rastësi, po më duket si vazhdimësi. Me emocione të përzime e ndjenjë të madhe përgjegjësie, e mora përsipër me ndërtu e me udhëheqë 42 Tirana – shkollën e parë të lartë të kodimit me mësim jotradicional në rajon. Vazhdim i një misioni që e kam nisë dikur – në një kontekst të ri, në shtëpinë teme të re, por prapë për shqiptarët. ❤️
Mbrëmë pata nderin me mirëpritë dhe shoqëru Presidentin Emmanuel Macron, Kryeministrin Edi Rama dhe themeluesin e 42 në Paris, Xavier Niel në përurimin e kampusit të ri. Bashkë me studentët e parë, ekipin, bashkëpunëtorë e miq, ndamë një natë që s’harrohet lehtë. Një mision që u arrit!
Tirana u bë pjesë e familjes globale të 42-shit – 55 kampuse në botë që e sfidojnë mënyrën tradicionale të mësimit. Këtu, në zemër të qytetit, n’Piramidën ikonike. Falë përkrahjes së Fondacioni Shqiptaro-Amerikan për Zhvillim (AADF), Bashkia e Tiranës dhe Qendra Piramida, kjo shkollë është tanimë realitet.
Në vetëm tre muaj, mbi 2,000 regjistrime për 150 studentët e parë që nisin në tetor. Nji fillim që tregon shumë për nevojën e transformimit të edukimit dhe jep shpresë për mundësi të reja.
Në Prishtinë, çdo takim me ekipin e 42 e përfundoja atëherë me “Let’s do this!” – tash e them me zemrën plot: “We did it!” në Tiranë, e me një dëshirë që nuk shuhet – me e pa këtë vizion të gjallë edhe në Prishtinë.
