Një baba, i lodhur nga sjellja e paduruar në klasë e djalit të tij, i dha një dënim të pazakontë.
Brad Howard mori shumë ankesa për djalin e tij 17 vjeçar nga mësuesi i fizikës, dhe kështu vendosi të gjente një mënyrë inteligjente për t’ia ulur hundën.
Ai e paralajmëroi të birin:
“Nëse marr qoftë edhe një thirrje tjetër prej shkollës, unë do të vij atje në shkollën tënde dhe do të ulem me ty në klasë”.
Paralajmërimi duket se ishte mjaft efektiv, por nuk zgjati shumë…
Vetëm 3 javë më vonë, gruaja e Howard, Denisa, i tha burrit të saj se kishte ndodhur një incident tjetër.
“Ti duhet të shkosh atje dhe të mbash premtimin tënd”, tha Denisa.
Howard mbërriti në klasë në fillim dhe zuri një vend në bankën e të birit.
Ai e shikoi djalin e tij tek hynte në klasë, teksa qeshte dhe fliste me miqtë e tij.
Djaloshi u step menjëherë megjithatë kur dëgjoi një zë të njohur që e përshëndeti atë.
Bradly u trondit në mënyrë të kuptueshme, por për shokët e klasës ishte komike e gjithë kjo situatë.
Të lehtësuar nga fakti se kjo skenë turpëruese nuk po u ndodhte atyre, ata u kënaqën me mësimin për 40 minuta në klasë, shkruan shkollaesuksesit.
Howard bëri një fotografi në snap që t’ia dërgonte gruas së tij për ta provuar se ai e kishte mbajtur premtimin e tij.
Më pas ajo ia përcolli foton me mesazh grupi familjar për t’ia treguar fëmijëve të tjerë pasojat e sjelljes së keqe në shkollë.
Djaloshi e mori seriozisht dënimin, ai nuk donte kurrsesi që të turpërohej sërish në sytë e klasës së tij, që deri në atë moment ai ishte i mbushur me atë krenarinë boshe dhe e mbante hundën lart.
Që prej asaj dite, “ky djalë e frekuenton rregullisht shkollën, të gjitha orët e mësimit, dhe ka bërë përmirësime të habistshme në mësime!”
Merita e këtij babai është sepse e kuptoi me saktësi natyrën e djalit të tij dhe zgjodhi një dënim që me të vërtetë do të përcillte një mesazh.
