Mesazh i Qëndresa Smajli Gashi dërguar në Kids of Kosova, ku tregon për Iniciativën e ndërmarrë pak kohë pasi djali i saj Rigeli t’i mbush dy vite.
Mesazhi:
Rigeli biri ynë këtë verë mbush dy vite. Ne si prindër kemi marr një iniciativë që me rastin e ditëlindjeve të tij, çdo vit aq sa vite mbush, aq pemë ose bimë do mbjellim.
E meqë tash është koha e mbjelljes së pemëve, Rigeli bashkë me gjyshin e tij të dashur i mbollën me shumë dashuri dy pemë në oborr të shtëpisë së gjyshit.
Urojmë që shpërndarja e kësaj iniciative të shërbejë si motiv e ide edhe për prindërit e tjerë, që me një shumë modeste për blerjen e fidaneve, mund të përfitojmë të gjithë, një tokë më të qëndrueshme, një ajr më të pastër, një ambient me të bukur, si dhe fruta me vlera ushqyese për breza të tërë.
Mbi të gjitha të edukojmë pasardhës me një mendësi që i jep rëndësi çdo hapi ku shkel, çdo fryme që merr, e çdo gjëje që ushqehet.
Me dashuri prindërit e Rigelit ?
