Shkolla “Mitrush Kuteli”, në Prishtinë ka zgjedhur Diturije Hajdini, mësimdhënëse meritore, për vitin shkollor 2024/2025, shkruan AlbanianEducation.net.
Njoftimi i shkollës:
Diturije Hajdini, mësimdhënëse meritore, për vitin shkollor 2024/2025!
Më datë 24 shkurt 2025, është mbajtur mbledhja e Këshillit të Mësimdhënësve, me shumicën e mësimdhënësve (33 pjesëmarrës).
Nga të gjithë emrat e propozuar, mësimdhënëse e dalluar u përzgjodh Diturije Hajdini.
Mësimdhënëse klasore, ka shumë respekt dhe vlerësim nga të gjithë punonjësit e shkollës.
Znj. Diturije Hajdini është mësimdhënëse klasore dhe punon tash e 23 vite duke kontribuar në gjeneratat e reja me shumë përkushtim e dashuri në profesionin e saj.
Mësimdhënësja në fjalë ka punuar vazhdimisht edhe në avancimin e saj profesional, duke ndjekur trajnime profesionale.
Pjesëmarrëse në të gjitha aktivitetet ndërkurrikulare dhe ekstrakurrikulare sa i përket punës me nxënës.
Është mësimdhënëse e cila shërben si model për tu ndjekur nga mësimdhënëset e reja, si në planifikimin dhe organizimin e orës mësimore gjithashtu dhe në bashkëpunimin në punën ekipore.
