Dje për nder të ditës së gjyshërve, në klasën V/3 në shkollën fillore “Dardania” në Prishtinë ishte e ftuara Zonja Minevere Pllana në rolin e gjyshes ku shpalosi një pjesë mjaft të rëndësishme të jetës së saj, shkruan AlbanianEducation.net.
Zonja Minevere, tashmë një mësimdhënëse në pension me durimin e një gjysheje dhe ligjërimin e përgjigjet e një mësimdhënësje u përgjigj pa përtesë në pyetjet e shumta të nxënësve.
Ajo tregoi për vështirësitë e shkollimit në kohën e saj, përfshirjen e vajzave në shkollë si një sfidë jo edhe e lehtë asokohe (ku ishte e vetmja vajzë në klasën e saj), përvojën e saj si mësimdhënëse si dhe kënaqësinë e të qenurit gjyshe.
Shkolla “Dardania” në Prishtinë e falënderon pa fund gjyshen dhe ish-mësimdhënësen Minevere për ngrohtësinë e një gjysheje që solli në klasë dhe njëherit i uronu të ketë shëndet.
