Nëse aroma juaj e parfumit ikën shpejt dhe ju duhet ta aplikoni më shpesh gjatë ditës, këtu keni disa këshilla se si ta aplikoni parfumin në atë mënyrë që aroma të mbajë sa më gjatë.
1. Vendos vazelinë përpara parfumit
Vendosni në kyçet e duarve, ose në zonën e pulsit, vazelinë, më pas aplikoni parfumin. Gjithashtu mund ta bëni në këtë mënyrë edhe në zonën e qafës apo te bërrylat. Vazelina do të bëjë që parfumi të qëndrojë gjatë te ju.
2. Spërkateni parfumin në krehërin e flokëve
Shumë vajza e spërkasin parfumin edhe te flokët, në mënyrë që të ndihet më shumë. Alkooli që ka parfumi mund të dëmtojë flokun, duke shkaktuar tharje, prandaj mos e aplikoni direkt. Në vend të kësaj mund të spërkatni lehtë krehërin ose furçën e flokëve.
3. Mos e vendosni parfumin në tualet
Lagështia mund të dobësojë aromën e parfumit tuaj, kështu që më mirë mbajeni në dhomën e gjumit.
4. Aplikojeni në kohën e duhur
Kur e spërkatni parfumin duhet të prisni derisa të thahet në lëkurë, në mënyrë që mos ta fshini gjatë veshjes.
5. Mos i fërkoni kyçet
Një zakon i vjetër është që pasi e spërkasim parfumin te kyçet e duarve, i fërkojmë me njëra-tjetrën. Kjo bën që aroma e parfumit të zbehet shpejt.
6. Ka dy lloje parfumesh
Eau de parfume apo eau de toilette? Kini parasysh që markat të cilat lexojnë eau de parfume, kanë aromë më të mprehtë dhe zgjasin më gjatë, ndërsa eau de toilette ka aromë me përqëndrim më të ulët.
7. Shishja e parfumit nuk duhet të tundet
Parfumi është krijuar për të qëndruar i palëvizshëm. Tundja e shishes e zvogëlon cilësinë e tij.
8. Mbajeni larg dritës
Parfumi duhet të ruhet nga dritat e forta pasi mund t’i zbehet aroma.
9. Mund t’i përdorni dhe pikat e fundit
Nëse keni një parfum të preferuar që është drejt fundit, mund ta spërkasni në një krem për trupin pa aromë, në këtë mënyrë do e zgjasni më shumë ekzistencën e tij.
