Ka diplomuar sot gjenerata e VI-të e asistentëve për fëmijë me nevoja të veçanta arsimore, grupet nga Gjakova dhe Gjilani me gjithsej 62 kandidatë. Njoftimin e ka dhënë ministrja e Arsimit, Arbërie Nagavci, shkruan AlbanianEducation.net.
Postimi i saj i plotë:
Diplomoi sot gjenerata e VI-të e asistentëve për fëmijë me nevoja të veçanta arsimore, grupet nga Gjakova dhe Gjilani me gjithsej 62 kandidatë.
Në ceremoninë e diplomimit të kësaj gjenerate e falënderova Agjencinë për Arsim dhe Aftësim Profesional dhe Arsim për të Rritur për përkushtimin, duke vlerësuar thellë për punën dhe përpjekjet e tyre sa i përket përgatitjes së kuadrove për fëmijët të cilët kanë nevojë për mbështetje gjatë procesit edukativo-arsimor.
Kandidatët i përgëzova për përfundimin me sukses të këtij kualifikimi. Të punosh si asistent për fëmijët me nevoja të veçanta nuk është vetëm një detyrë dhe përgjegjësi, por edhe një mision shumë fisnik dhe një akt besimi.
MASHTI e ka ndarë me kohë buxhetin për punësimin e 500 asistenëve andaj pres nga komunat që sa më parë ti plotësojnë pozitat e mbetyra.
Si Ministri do të vazhdojmë mbështetjen e duhur për këta nxënës, në mënyrë që të zhvillojnë potencialin e tyre krahas bashkëmoshatarëve.
