Diamant Salihu, me origjinë nga Kosova nominohet për çmimin Wallenberg 2023 në Suedi

Diamant Salihu, gazetari suedez me origjinë nga Kosova nominohet për çmimin Wallenberg 2023.

Gazetari me origjinë kosovare që jeton në Suedi është nominuar për një çmim tepër të rëndësishëm. Kështu ka njoftuar Ambasada e Kosovës në Stokholm.

Ky çmim ndahet nga Akademia Raoul Wallenberg. Raoul Wallenberg, ishte arkitekt, diplomat dhe humanitst suedez i cili shpëtoi mijëra hebrenj në Hungari gjatë Holokaustit dhe fazave të mëvonshme të Luftës së Dytë Botërore.

Çmimi Wallenberg jepet për “individët, organizatat dhe komunitetet, guximi, vetëmohimi dhe suksesi i të cilëve kundër vështirësive të mëdha, personifikojnë vlerat për të cilat u shqua dhe luftoi Raoul Wallenberg”.

Ky çmim do të ndahet me 27 gusht 2023.