Mungesa e njërit prej nxënësve është e theksuar në një paralele të klasës së 11-të në gjimnazin ”Bedri Pejani” në Pejë.
Të pranishmit tjerë sikur e patën mendjen te ajo për çfarë shoku i tyre 16 vjeçar ra në pranga, të shtunën, për një vepër të mundshme që kishte gjasa të lidhej direkt me ta.
I mituri pretendohet se bëri plan të kryejë akt terrorist, duke vrarë 6 prej shokëve e shoqeve, më 31 tetor. Skenari, që u bë i ditur pas arrestimit, shqetësoi ata për të cilët ishte përgatitur.
Planin i cili ishte i gatshëm, hetuesia e zbuloi përmes rrjetit social TIK-TOK. Atë, i mituri dyshohet se e kopjoi nga një sulm i ngjashëm në të cilën u vranë tetë nxënës në një shkollë në Serbi, majin e këtij viti, njofton Klan Kosova.
16 vjeçari dyshohet se për këtë punë edhe komunikoi me persona nga shteti fqi i Kosovës.
Drejtori i shkollës tha se nuk ishte vërejtur ndonjë sjellje e çrregullt te ky nxënës, përveç vonesave.
Me propozimin e kujdestares së klasës, të miturit pritet t’i shqiptohet masa e pezullimit nga shkolla, të hënën.
