Ministria e Arsimit ju ka bërë thirrje prindërve t’i dërgojnë fëmijët në shkollë dhe mësimdhënësit të ndalin grevën.
Por SBASHK përmes kryetarit të saj, Rrahman Jasharaj, ka deklaruar se greva vazhdon derisa të plotësohen kërkesat e tyre.
Ndërsa kundër SBASHK-ut dhe në mbështetje të MASHTI-t kanë dalë deputetet e partisë në pushtet, Lëvizjes Vetëvendosje që kanë bërë thirrje prindërve t’i dërgojnë nesër fëmijët në shkollë.
Edhe Fatmire Mulhaxha-Kollçaku, deputete e VV-së ka bërë thirrje që nesër të fillojë mësimi.
Ajo thotë se dialogu social nuk ka fund, por fëmijët nuk kanë kohë të presin.
“Prindër të dashur, përcillni nesër fëmijët në shkolla, kërkoni përkushtim nga mësimdhënësit dhe cilësi në arsim, meqenëse SBASHK-u fatkeqësisht e ka në mendje ndër vite vetëm një arsye për grevë”, ka shkruar ajo, shkruan Albanian Kids Education.
Edhe deputetja tjetër e VV-së, Tinka Kurti, ka shkruar se mësimi duhet të fillojë nesër
Ajo ka shkruar se secila orë e humbur e mësimnxënies është e pafalshme dhe secili bojkot që i bëhet dijes është dëm për tërë shoqërinë.
