Cineplexx mban aktivitet me klasë të treta në shkollën “Xhemail Mustafa” në Prishtinë – nxënësit fitojnë bileta falas

Kinemaja Cineplexx ka zhvilluar një aktivitet kulturor me nxënësit e klasave të treta në shkollën “Xhemail Mustafa”, në Prishtinë, të cilët kanë përjetuar emocione dhe një eksperiencë të paharrueshme.

Argjira Lluka, menaxhere e marketingut në Cineplexx Kosova, ka bërë prezantimin e aktivitetit para nxënësve, ku ju ka folur për botën e kinemasë dhe për filmat që ofron Cineplexx.

Është realizuar një kuiz me nxënësit, ku pesë nxënës kanë fituar bileta falas nga Cineplexx.

AlbanianEducation.net e falënderon drejtoreshën e shkollës “Xhemail Mustafa”, Vjollca Jupolli për kontributin e dhënë në zhvillimin e këtij aktiviteti kulturor.