Kinemaja Cineplexx të hënën më 11 nëntor ka zhvilluar një aktivitet kulturor me nxënësit e klasave të pesta në shkollën “7 Marsi” në Prishtinë, të cilët kanë përjetuar emocione dhe një eksperiencë të paharrueshme.
Argjira Lluka, menaxhere e marketingut në Cineplexx Kosova, ka bërë prezantimin e aktivitetit para nxënësve, ku ju ka folur për botën e kinemasë dhe për filmat që ofron Cineplexx. 
Nëë klasë nxënësit së bashku me mësueset e tyre për pak minuta kanë parë filmat për fëmijë “The wild Robot”, “Disney Moana 2”, “Disney Mufasa”, “The Sonic3”.
Më pas është realizuar një kuiz me nxënësit, ku pesë nxënës kanë fituar bileta falas nga Cineplexx.
AlbanianEducation.net e falënderon drejtoreshën e shkollës “7 Marsi”, Shpresa Gashi dhe dy mësimdhënëset Zyrafete Avdiu dhe Ajshe Istogu për kontributin e dhënë në zhvillimin e këtij aktiviteti kulturor.
Ky aktivitet nga Cineplexx do të organizohet edhe në shumë shkolla, në Prishtinë dhe në Prizren.
Cineplexx do të vijë së shpejti me një ofertë tejet të mirë për shkollat, nxënësit që dëshirojnë të shkojnë së bashku një klasë apo grupe për të shikuar filmat e tyre të preferuar, ofertë e cila do të publikohet në AlbanianEducation.net.
Mirë se vini në Cineplexx !
Zbuloni botën magjike të filmave në Cineplexx Kosovo. Tek ne, familjet mund të shijojnë aventura të paharrueshme kinematografike. Nga filmat më të fundit deri tek aktivitetet argëtuese, Cineplexx është destinacioni juaj i preferuar për argëtim.
* Fotot publikohen me leje që Drejtoria e shkollës merr nga prindërit
/ AlbanianEducation.net
