Babai krenar ia ka plasur vajit kur ka mësuar se djali i tij më në fund e ka dhënë provimin e matematikës.
Djaloshi e ka xhiruar momentin kur ia ka kumtuar babait të tij lajmin e gëzuar dhe më pas e ka publikuar videon në internet duke marrë simpatinë e shumë shikuesve.
Prindi ka qarë me zë dhe e ka përqafuar djalin, ndërsa ky i fundit e ka shpjeguar arsyen e reagimit të babait.
“Një vit para kësaj videoje isha në shkallën F në matematikë, ndërsa në Angli të nevojitet një C (kaluese) që të kesh të drejtën të bësh çfarë të duash me jetën tënde”.
“Asnjëherë nuk kam qenë i mirë në mësim dhe kam pasur probleme gjatë shkollimit. As unë, as babai e as arsimtarët e mi nuk kanë besuar se do të merrja C”.
“E di se disa nga ju mund të thonë se një C nuk është asgjë, por për mua ishte vështirë ta merrja”, ka shpjeguar djaloshi.
