Kryetari i Aleancës për Ardhmërinë e Kosovës, Ramush Haradinaj ka reaguar lidhur me situatën e librave shkollor të nxënësve në vend.
Sipas tij, sigurimi i teksteve shkollore për nxënësit është detyrë e Qeverisë, dhe çdo dështim siç thotë ai, është qesharak.
Me anë të një postimi në rrjetin social Facebook, Haradinaj shtoi se Kurti dhe Qeveria e tij janë kthyer në dëm për Kosovën.
“Është detyrë e Qeverisë dhe e askujt tjetër që t’i sigurojë tekstet shkollore për nxënësit e Kosovës. Çdo justifikim për këtë dështim është qesharak. Çfarë duhet të ndodh tjetër që Kurti ta kuptojë që ai dhe qeveria e tij janë kthyer në dëm për Kosovën?”, ka shkruar Haradinaj.
“Çfarë faji i kanë prindërit e nxënësit që po i poshtëron me tekste shkollore. Sikur nuk u mjaftoi poshtërimi që i’u bënë mësimdhënësve me paga. Kur është boll për Kurtin?!”, shkroi tutje Haradinaj.
