E diela llogaritet të jetë dita ku pothuajse të gjithë janë duke pushuar.
Shumë njerëz nuk dëshirojmë ta kalojmë këtë ditë vetëm duke fjetur, por të bëjnë diçka më kreative.
Laura Vanderkam ka një libër që titullohet “Çfarë bëjnë njerëzit më të suksesshëm gjatë vikendit”, ku tregon se ka disa gjëra që njerëzit e suksesshëm i bëjnë sidomos të dielave.
Në mënyrë që të përfundojnë vikendin sa më mirë dhe të përgatiten për javën, njerëzit e suksesshëm i bëjnë këto gjëra:
Ata kalojnë kohë me familjen dhe miqtë
Njerëzit e suksesshëm e dinë se java e tyre është e ngarkuar dhe mund të jenë të zënë për të tjerët, kështu ata e shfrytëzojnë në maksimum të dielën duke e kaluar atë me më të dashurit e tyre.
Planifikojnë diçka argëtuese
“Kjo ide mund të jetë këshilla më e rëndësishme”, shkruan Vanderkam. Njerëzit e suksesshëm bëjnë familjen bashkë për darkë pothuajse çdo të dielë, shikojnë filma ose dalin luajnë bowling, shkruan Health.
Ata e organizojnë dhe planifikojnë javën
Njerëzit e suksesshëm e shikojnë kalendarin të dielën mbrëma dhe vendosin qëllime për javën që vjen. Këtë trik mund ta bëni pa e stresuar veten.
Ata ushtrojnë
Dilni për të ecur, luani ndonjë sport, apo shkoni në palestër, sugjeron Egan. Vanderkam shkruan në librin e saj se shumë njerëz bëjnë joga të dielën mbrëma.
Hanë diçka të shëndetshme
Në vend se të pini alkool, thotë Vanderkam, përgatiteni një ushqim të shëndetshëm dhe kënaquni me një çaj bimor ose ujë me limon.
Lexojnë
Shumica e njerëzve të suksesshëm lexojnë çdo natë para gjumit, kështu që e diela mbrëma është gjithashtu pjesë e rutinës së tyre të leximit. Ata e përdorin këtë kohë për të lexuar faqet që i kanë neglizhuar.
I kthejnë thirrjet, e-mailet dhe mesazhet
Të dielat mbrëma shpesh na lejojnë t’i thërrasim disa njerëz të cilëve nuk kemi mundur t’u përgjigjemi gjatë javës apo t’u kthejmë mesazhet disa familjarëve që na kanë shkruar.
Ata relaksohen
Gjeni pak kohë të dielën mbrëma dhe uluni e relaksohuni. Keni nevojë që ta rimbushni mendjen dhe trupin.
