Drejtori i çerdhes në lagjen “Bajram Curri” në qytetin e Prizrenit, Driton Susuri ka miratuar një vendim që të mos i pranojë në këtë çerdhe fëmijët me nevoja të veçanta dhe fëmijët me pampersa nga data 14.10.2024.
Ky vendim i çerdhes në Prizren, shihet se nuk është i protokoluar, ka logo të emblemës së Komunës së Prizrenit dhe është i nënshkruar nga drejtori i çerdhes, Driton Susuri.
Në vendimin e çerdhes në lagjen “Bajram Curri”, e cila ndodhet në rrugën “Nexhat Feraj” në Prizren, thuhet se fëmijët të cilët janë me pampersa, nuk mund të pranohen apo të vijojnë mësimin në çerdhen e tyre deri në momentin e heqjes së pampersës.
Kurse, për fëmijët me nevoja të veçanta, në vendimin e çerdhes në Prizren kërkohet që Drejtoria e Arsimit në Prizren t’iu sjellin dy asistentë për fëmijët me nevoja të veçanta dhe se deri në atë kohë fëmijët me nevoja të veçanta nuk mund të vijojnë edukimin në këtë çerdhe.
/AlbanianEducation.net/.
