Buxheti për arsimin për vitin 2025 do të jetë 417 milionë e 681 mijë e 21 euro. Kështu ka njoftuar ministrja e Arsimit, Arbërie Nagavci, përmes një shkrimi në profilin e saj në Facebook.
Siç shkruan Nagavci, nga kjo shumë për arsim në komuna do të ndahen 283 milionë e 566 mijë e 630 euro, për arsim për MASHTI do të ndahen 99 milionë e 963 mijë e 750 euro dhe për Universitetin e Prishtinës 34 milionë e 150 mijë e 641 euro.
Postimi i saj:
Kuvendi i Kosovës ka miratuar në parim Projektligjin mbi ndarjet buxhetore për vitin 2025.
Buxheti për arsimin për vitin 2025 do të jetë 417,681,021 euro, i ndarë si më poshtë:
-Buxheti për Arsim në Komuna 283,566,630.00 euro;
-Buxheti i Arsimit për MASHTI 99,963,750.00 euro;
-Buxheti i Universitetit të Prishtinës 34,150,641.00 euro.
Për vitin e ardhshëm buxheti për arsim do të jetë 92.551.788 euro apo 28.47 % më i lartë se në vitin 2021 kur e kemi pranuar mandatin.
Buxheti për arsim në komuna do të jetë 53.566.375.00 euro apo 23.28 % më i lartë së në vitin 2021.
Buxheti i Universitetit të Prishtinës do të jetë 3.138.117.00 euro apo 10.12 % më i lartë se në vitin 2021.
Buxheti i universiteteve publike do të jetë 6.296.969.00 euro apo 41.84 %
më i lartë se në vitin 2021.
Për vitin 2025 MASHTI ka paraparë, ndër tjera:
Mbi 29 milionë euro në përmirësimin e infrastrukturës së arsimit, me shtrirje në 31 komuna të Republikës së Kosovës.
Nga këto mjete prej mbi 29 milionë euro, MASHTI ka paraparë:
-Investim prej 10.2 milionë euro për ndërtimin e 47 çerdheve;
-Investim prej 0.7 milionë euro për adaptim të 7 shkollave në çerdhe;
-Investim prej 2.8 milionë euro për ndërtim të 18 çerdheve modulare;
-Investim prej 2.37 milionë euro për renovimin e 12 shkollave;
-Investim prej 2.33 milionë euro për ndërtim të 12 sallave të sportit;
-Investim prej 11.4 milionë euro në ndërtim të 32 shkollave;
-4.0 milionë euro për pajisjen e shkollave me teknologji të informacionit dhe komunikimit;
-1.7 milionë euro investim në funksionalizim dhe paisje të laboratorëve;
-0.5 milionë euro investim në paisje sportive për shkolla;
-3.4 milionë euro nga granti specifik sipas kësaj strukture;
-2.6 milionë euro për punësimin e 300 asistentëve të rinj për fëmijët me nevoja të veçanta;
-0.5 milionë euro për punësim të 59 këshilltarëve të karrierës;
-0.3 milionë euro për punësim të 30 specialistëve të IT për nevojat e shkollave.
