Në këtë ditë dhe epokë, është e zakonshme që njerëzit të filmojnë fëmijët e tyre si pjesë e trendëve në mediet sociale, veçanërisht kur bëhet fjalë për TikTok.
Sipas medieve të huaja, përcjell Telegrafi, herë pas herë shihni shaka, dhe për pjesën më të madhe, ato janë të padëmshme – por për fat të keq, nuk është gjithmonë kështu.
Në fakt, veprimet e një gruaje në TikTok i kanë lënë fëmijët e saj të traumatizuar dhe burri i saj po e konsideron divorcin, por më çuditërisht nga të gjitha, ajo duket se e konsideron atë qesharake.
Burri i kësaj gruaje u ankua në Reddit derisa shpjegoi se gruaja e tij rregullisht bën video në TikTok dhe Instagram të cilat kishin të bënin me pastrimin dhe organizimin. Por, ajo kohët e fundit ka ndërmarrë shaka me fëmijët e tyre, të cilët janë gjashtë dhe njëri një vjeç.
“Një herë dëgjova vajzën time duke bërtitur dhe duke qarë sepse gruaja ime e trembte. Kjo ka vazhduar për disa javë tani. Vajza jonë gjashtëvjeçare nuk dëshiron të flejë më në dhomën e saj sepse ka frikë nga përbindëshat dhe fantazmat. Gruaja ime e nënvlerësoi atë duke thënë se do ta kapërcejë atë me kohë”, ka thënë ai.
“Kjo nuk është hera e parë që ne fjalosemi për shkak të obsesionit të saj në mediat sociale. Ajo ka ndryshuar shumë pasi ka fituar disa mijëra ndjekës. Sinqerisht po e konsideroj divorcin nëse ajo refuzon këshillimin”, ka shtuar tutje.
