Burim Ismajli ka shënuar një arritje të jashtëzakonshme në fushën e shkencës, duke përfunduar studimet e doktoratës në moshën 26-vjeçare me vlerësimin më të lartë akademik, Summa Cum Laude.
Me këtë sukses, Ismajli hyn në histori si virusologu i parë i doktoruar në Kosovë, duke vendosur një standard të ri në kërkimin shkencor dhe zhvillimin e shkencave biologjike në vend.
Arritja e tij konsiderohet një kontribut i rëndësishëm për komunitetin akademik dhe shkencor, si dhe një frymëzim për gjeneratat e reja që synojnë karrierë në shkencë dhe hulumtim.
Përfundimi i doktoratës me vlerësimin maksimal dëshmon përkushtimin, punën dhe rezultatet e larta të Burim Ismajlit në fushën e virusologjisë.
Urime për këtë sukses të veçantë dhe shumë suksese të tjera në rrugëtimin e tij shkencor e profesional.
