Bukurie Berisha, është zgjehur mësuesja më e dalluar në shkollën “Ahmet Gashi” në Prishtinë, shkruan Albanianeducation.net.
Njoftimi i shkollës:
Të nderuar e të respektuar mësimdhënës!
Gëzuar 7 Marsin, ditën tuaj!
Në këtë ditë iu nderojmë për punën e kontributin tuaj të madh që keni dhënë për mësimin dhe edukimin e fëmijëve. Dhe detyra jonë sot, është ta përcjellim frymën tonë të përkushtimit dhe punës me pasion, te brezat e ardhshëm.
7 Marsi është dita e vetme e cila i kushtohet mësuesit. Kjo është një ditë e shenjtë për të falenderuar mësuesit, për të gjithë të mirat dhe vështirësitë që i kanë kaluar për të ushtruar detyrën e e tyre fisnike.
Brezat që vijnë do t’i ruajnë me nostalgji mësimet e këshillat që i jepni nxënësve.
Në çdo ditë të jetës, ju dhe puna juaj fisnike do të kujtohen dhe vlerësohen me respekt e nderim të thellë.
Në këtë ditë të shenjtë, drejtoria e shkollës ndau mirënjohje edhe për mësimdhënësen Bukurie Berisha ,e cila u zgjodh mësimdhënëse e dalluar nga kolektivi i shkollës, duke e falenderuar përzemërsisht për punën që po e bën me shumë përkushtim.
Gëzuar Ditën e Mësuesit!
