Blerta Dibrani pas shtatë vitesh angazhim në Universitetin e Prishtinës ku së fundmi ka mbajtur pozitën e zyrtares për media, ka njoftuar se nga ky vit akademik do të nis detyrën e re si asistente në Departamentin e Gazetarisë, shkruan AlbanianEducation.net.
Ajo përmes një postimi në Facebook thotë se është vullnetplotë për detyrën e re si asistente.
Njoftimi i saj:
#UPgrading 🆙
Rrugëtimi im në Universitetin e Prishtinës nga sot merr një drejtim tjetër. Gjithsej shtatë vite angazhim, nisur si praktikante në Fakultetin e Filologjisë, për të vazhduar si praktikante në Zyrën për Marrëdhënie me Jashtë, zyrtare e Universitetit Veror Ndërkombëtar, asistente e Rektorit, e së fundi, zyrtare për media e Universitetit të Prishtinës.
Me nisjen e këtij viti akademik, jam e lumtur për rolin e ri si asistente akademike në Departamenti i Gazetarisë – UP, aty ku edhe u njoftova me Universitetin e Prishtinës, si studente në po këtë departament.
Jam pafund mirënjohëse për përvojat e fituara, e për secilin që i ka kontribuar këtij rrugëtimi. Po ashtu, tejet e emocionuar dhe vullnetplotë për detyrat e reja.
#UnëJamUP, gjithmonë ❤
