Bibliotekës amerikane i kthehet libri që ishte huazuar 120 vjet më parë

Një bibliotekare e Virxhinias Perëndimore në SHBA njoftoi se një libër, që do të duhej të kthehej 120 vjet më parë, u kthye së fundmi.

Siç shkroi Upi, stafi i bibliotekës tha se një person i quajtur Stewart Plein, erdhi në një ditë dhe dorëzoi librin “Një traktat mbi energjinë elektrike” i autorit James Clerk Maxwell.

Në kopertinën e tij shënohej se libri duhej të kthehej më 10 dhjetor 1903.

Biblioteka u habit kur pranoi librin, ndërsa burri s’dha informacione mbi historinë e huazimit të tij.

“Kurrë s’është vonë për t’i kthyer librat”, thuhet në njoftimin e bibliotekës.