Biblioteka e Gjimnazit “Gjon Buzuku” në Prizren tashmë ofron një ambient më të organizuar dhe funksional për nxënësit dhe mësimdhënësit.
Pas një sërë aktivitetesh të zhvilluara në këtë hapësirë të rëndësishme, libri dhe dijet janë sistemuar në rafte, duke krijuar kushte më të mira për lexim, hulumtim dhe zhvillim intelektual.
Për realizimin e këtij projekti, një rol kyç luajtën nënkryetarja e shkollës, Lejtore Krajku, si dhe përfaqësuesit e vitit të XII-të, Endri Arzollaxhi dhe Leart Kukaj, të cilët kontribuan drejtpërdrejt në rregullimin dhe risistemimin e bibliotekës.
Njoftimi i shkollës:
📚 Biblioteka e Gjimnazit “Gjon Buzuku” Prizren një hapësirë e dijes dhe bashkëpunimit
Pas shumë aktiviteteve të zhvilluara në bibliotekën e shkollës sonë, kjo hapësirë e rëndësishme për nxënësit dhe mësimdhënësit tashmë është risistemuar dhe rregulluar, duke u bërë edhe më funksionale për të gjithë.
Me angazhimin dhe përkushtimin e përbashkët janë sistemuar librat nëpër rafte dhe është krijuar një ambient më i përshtatshëm për lexim, hulumtim dhe zhvillim të dijes.
Falënderojmë për ndihmën dhe përkrahjen nënkryetaren e shkollës Lejtore Krajku, si dhe përfaqësuesit e vitit të XII-të Endri Arzollaxhi dhe Leart Kukaj, për kontributin dhe angazhimin e tyre në rregullimin dhe risistemimin e bibliotekës së shkollës.
Ky bashkëpunim është dëshmi se kur stafi dhe nxënësit punojnë së bashku, krijohen dhe mirëmbahen hapësira më të mira për dije dhe kulturë.
📖 Biblioteka mbetet zemra e shkollës, aty ku çdo libër hap një dritare drejt botës së dijes.
