Shkolla “Hamit Sejdiu” në fshatin Kërpimeh të Podujevës ka vazhduar me prezantimin e mësimdhënësve të saj.
Së fundmi ka prezantuar arsimtarin e e Gjeografisë – Edukatës qytetare Berat Abdullahu, i cili filloi punën në arsim në vitin 2014, shkruan AlbanianEducation.net.
Postimi i shkollës:
Mësimdhënia jo vetëm profesion!
Ju prezantojmë me arsimtarin e Gjeografisë – Edukatës qytetare Berat Abdullahu!
U lind në fshatin Gllamnik. Shkollën fillore e kreu në vendlindje, ndërsa të mesmen në Podujevë.
Diplomoi në Fakultetin e Edukimit, drejtimi Gjeografi – Edukatë qytetare, si dhe në Master, drejtimi Pedagogji e përgjithshme.
Punën në arsim e filloi në vitin 2014 në shkollën e fshatit Gllamnik, si dhe përgjatë këtyre viteve punoi edhe në disa shkolla të Podujevës.
Që nga viti 2020 është pjesë e shkollës tonë.
Gjithashtu profesionin e ushtron edhe në shkollën e fshatit Orllan.
Përveç punës edukativo-arsimore, vazhdon të jap kontributin e tij edhe në aktivitete tjera së bashku me nxënësit tanë!
