Banesë, veturë 18 mijë euro – kjo është pasuria e Arbërije Nagavcit

Ministrja e Arsimit, Arbërije Nagavci ka deklaruar në Agjencinë Antikorrupsion pasurinë që posedon.

Ajo ka deklaruar një banesë 84 metra katrorë në vlerë 70 mijë euro të cilën thotë se e ka blerë me kredi nga shitja e shtëpisë në vitin 2016, shkruan Kids of Kosova & Albanian Kids Education.

Nagavci posedon veturë në vlerë 18 mijë euro të cilën thotë se e ka blerë me kredi në vitin 2018.

Ndërsa para në bankë ka deklaruar 1 mijë e 236 euro si të përbashkëta.

Ministrja ka thënë se ka dy kredi për t’i shlyer në vlerë të përbashkët mbi 26 mijë euro.

Nagavci ka deklaruar pagë vjetore si ministre 14 mijë e 491 euro dhe mëditje 3 mijë e 342 euro.