Atmosferë festive, parada e Babagjyshëve në Korçë / VIDEO

Parada e Babagjyshëve, një traditë 10-vjeçare e qytetit të Korçës ka mbledhur dhjetëra fëmijë, të cilët në mënyrë simbolike kanë shëtitur në rrugët e qytetit duke e bërë më të prekshme atmosferën festive të këtyre ditëve.

Së bashku me babagjyshët fëmijë e të rritur kanë shpërndarë çokollata dhe karamele për të rriturit duke sjellë një atmosferë të gëzueshme të shoqëruar edhe me një koncert festiv.

Marshimi i babagjyshëve ka nisur përgjatë pedonales dhe ka vijuar drejt katedrales së qytetit.

Qyteti i Korçës mbetet destinacioni i përzgjedhur për trusitët vendas dhe të huaj në ditët e fundit të vitit.