Në Maqedoninë e Veriut, në listën zyrtare të njëzet fituesve të bursës prestigjioze “Boris Trajkovski” për këtë vit nuk është përfshirë asnjë student shqiptar, shkruan AlbanianEducation.net.
Është gazetarja Liridona Vejseli që përmes një postimi në Facebook ka ngritur alarmin se si asnjë student shqiptar nuk është përfshirë në listën e 20 fituesve.
Bursa, me vlerë rreth 15 mijë euro, financohet bashkërisht nga shteti i RMV-së dhe “City College” në Selanik, dhe konsiderohet një ndër mbështetjet më të rëndësishme për studentët e dalluar në vend.
Postimi i saj plotë:
E papranueshime! 🤯
Asnjë student shqiptar nuk është përfshirë në listën e njëzet fituesve të bursës prestigjioze “Boris Trajkovski”, e ndarë nga presidentja Gordana Siljanovska-Davkova.
Bursa “Boris Trajkovski”, me vlerë rreth 15 mijë euro, financohet gjysmë nga shteti i RMV’së dhe gjysmë nga “City College” në Selanik, dhe është një ndër mbështetjet më elitare për studentët e dalluar në RMV.
PSE? A nuk ka asnjë student shqiptar në RMV që meriton këtë lloj burse?
