Këtë artikull kemi vendosur t’ia dedikojmë një raporti mjaft të veçantë, atij midis një babai dhe vajzës së vet.
Një marrëdhënie që nuk ka fjalë të përshkruhet, aq e fortë është. Më poshtë duam t’ju sjellim disa nga thëniet që mundohen të përshkruajnë me sadopak detaje këtë raport fantastik.
“Askush në botë nuk mund ta dojë një vajzë, më shumë se i ati i saj”. – Michael Ratnadeepak
“Vajzat nuk e vrasin shumë mendjen kur mamaja u thonë “Jo”, sepse e dinë se babai do i thotë “Po” ndaj çdo kërkese që kanë”. – Anonim
“Nuk kam turp të pranoj se asnjë mashkull që kam takuar barazohej me babanë tim, dhe nuk kam dashur asnjë, aq sa kam dashur tim atë”. – Hedy Lamarr
“Një baba i mban duart e vajzës së tij për një kohë të shkurtër, ama e pushton zemrën e saj përgjithmonë”. – Anonim
“Vazhdo, shijoje gjithë botën me mrekullitë e saj. Por për mua, ti gjithmonë do të jesh vajza ime e vogël”. – Tim McGraw
“Lotët dhe frikërat e një babai nuk duken, ai nuk e shpreh dashurinë e tij, por përkujdesja dhe mbrojtja e tij mbeten si një shtyllë fuqie përgjatë jetëve tona”. – Ama Vanniarachchy
“Çdo vajzë mund të mos jetë një mbretëreshë për burrin e saj, por do të jetë përherë një princeshë për babanë e saj”. – Anonim
“Një vajzë është një nga dhuratat më të bukura që të fal bota”. – Laurel Atherton
“Për një baba që moshohet, asgjë nuk ka më shumë vlerë se një vajzë që përkujdeset për të”. – Euripidi
“Ishte im atë që më mësoi vlerat e vetes sime. Ai më tha se isha jashtëzakonisht e bukur dhe se isha gjëja më me vlerë në jetën e tij”. – Dawn French.
