Kryetari i Bashkisë së Elbasanit ka ndarë një lajm të gëzueshëm për komunitetin arsimor, duke vlerësuar suksesin e nxënëses së gjimnazit “Dhaskal Todri”, Asia Bedalli, e cila është renditur e para në testin përzgjedhës të Matematikës, shkruan AlbanianEducation.net.
Ky rezultat i shkëlqyer e ka bërë atë një nga katër vajzat që do të përfaqësojnë Shqipërinë në Olimpiadën Evropiane të Matematikës për Vajza (EGMO) 2026, e cila do të mbahet në Bordo të Francës.
Në reagimin e tij, kryetari i bashkisë ka shprehur krenarinë për arritjen e saj, duke e cilësuar këtë sukses si një dëshmi të punës, përkushtimit dhe talentit të nxënësve elbasanas në fushën e dijes.
Ky sukses vjen si një tjetër dëshmi e cilësisë së arsimit në gjimnazin “Dhaskal Todri” dhe përkushtimit të vazhdueshëm të nxënësve dhe mësimdhënësve për rezultate të larta në gara kombëtare dhe ndërkombëtare.
Asia Bedalli pritet të përfaqësojë denjësisht Shqipërinë në këtë kompeticion prestigjioz evropian, ndërsa i janë uruar suksese të mëtejshme në fazat në vijim.
