Arton Imeri është zgjedhur mësues i dalluar në shkollën “Mehmet Gjevori” në Prishtinë, shkruan AlbanianEducation.net.
Shkolla në njoftim thotë se si mësimdhënës i Edukatës Fizike, Imeri është dalluar për përfshirjen aktive në gara dhe aktivitete të shumta sportive, brenda dhe jashtë shkollës, duke e përfaqësuar denjësisht institucionin.
Postimi i shkollës:
Në mbledhjen e fundit të Këshillit të Mësimdhënësve, titulli “Mësimdhënës i Dalluar” i është ndarë z. Arton Imeri.
Ky vlerësim përbën një mirënjohje të veçantë për angazhimin e tij të vazhdueshëm, profesionalizmin e lartë dhe kontributin e çmuar në procesin edukativo-arsimor.
Si mësimdhënës i Edukatës Fizike, z. Imeri është dalluar për përfshirjen aktive në gara dhe aktivitete të shumta sportive, brenda dhe jashtë shkollës, duke e përfaqësuar denjësisht institucionin tonë.
Nën udhëheqjen e tij, nxënësit kanë shënuar rezultate të shkëlqyera, duke dëshmuar përkushtim, disiplinë dhe frymë të fortë ekipore.
Me këtë çmim, shkolla jonë shpreh respektin dhe mirënjohjen për punën e palodhshme dhe ndikimin e vazhdueshëm në promovimin e sportit që z. Imeri ka në komunitetin tonë shkollor.
Urime të përzemërta dhe suksese të mëtejshme në të ardhmen!
