Arrestohet mësuesja në Malishevë, rrahu një nxënëse

Një nxënëse në Kosovë ka mbetur e lënduar pasi është goditur nga mësuesja e saj.

Ngjarja ka ndodhur një ditë më parë në një shkollë të Malishevës.

Mësuesja është arrestuar dhe është dërguar në paraburgim, ndërkohë që ka nisur hetimi ndaj saj.

Rasti është regjistruar si keqtrajtim gjatë ushtrimit të detyrës zyrtare, njofton policia:

“Malishevë 07.12.2022-20:35. Viktima femër kosovare ka pranuar trajtim mjekësor pasi që e njëjta derisa ka qenë në shkollë është sulmuar fizikisht nga e dyshuara femër kosovare mësimdhënëse. E dyshuara është arrestuar dhe pas intervistimit me vendim të prokurorit është dërguar në mbajtje”.