Arijeta Rexhepi, deputete e Lëvizjes Vetëvendosje, thotë se është e arsyeshme që Qeveria ka kërkuar kohë për Ligjin e ri për pagat.
Ajo në emisionin ‘Kallxo Përnime’ potencoi se me Projektligjin e ri koeficienti i pagave do jetë shumë më i mirë.
“Përderisa është premtuar se do vijë një ligj më i mirë për pagat dhe Qeveria ka kërkuar kohë, kjo është e arsyeshme. Ai Ligj tani ka ardhur dhe është në diskutim publik. Nga SBASHK-u e kuptova sot në takim që ende nuk e kanë parë Ligjin se ku janë me koeficient. Unë i kam analizuar pak a shumë, te pjesa më i ndjeshme e ciklit 1-5. Në Projektligjin e kaluar ka qenë me një koeficient shumë më të ulët e tani është shumë më mirë”- tha ajo.
Sipas saj, vlera e koeficientit varet prej buxhetit vjetor.
Ajo theksoi se ky Ligj nuk po mbahet i fshehur por meqë nuk hyn në fuqi këtë vit, nuk është treguar publikisht.“Sa kam parë prej mediave vlera e koeficientit ka qenë 120 euro.
Ky ligj nuk hyn në fuqi këtë vit dhe nuk tregohet ende publikisht. Pra, nuk po mbahet i fshehur”- shtoi më tej deputetja Rexhepi.Edhe kryeministri Albin Kurti ka thënë se Projektligji i ri për pagat, mësimdhënësit i trajton shumë më mirë sesa janë trajtuar deri më tani. /kallxo.com/
