Arbnore Musa Kaliqani nga Istogu diplomon master në Antwerp Management School në Belgjikë

Arbnore Musa Kaliqani nga Istogu, ka diplomuar me sukses të dalluar (Cum Laude) në Master për Menaxhim Strategjik të Burimeve Njerëzore në Antwerp Management School në Belgjikë, shkruan AlbanianEducation.net.

Arbnorja ishte përfituese e Bursës prestigjioze Young Cell, përmes së cilës e përfaqësoi vendin tonë me shumë dinjitet, përkushtim dhe profesionalizëm gjatë gjithë këtij viti akademik.

Tani që e ka përfunduar me sukses këtë kapitull, Arbnorja i kthehet Kosovës për të kontribuar në institucionet publike, ashtu siç e kërkon edhe vetë programi i bursës që e mbështeti.