Ministrja e Arsimit, Shkencës, Teknologjisë dhe Inovacionit, Arbërie Nagavci, ka thënë se duke avansuar edukimin dhe përmirësuar rezultatet në arsim e zhvillojmë edhe shtetin.
Ajo ndërsa ka kërkuar përmirësimin e rezultateve në arsim, thotë se në epiqendër do të jenë mësimdhënësit, por nuk flet për rritjen e pagave të tyre.
“Arsimi është e djeshmja, e sotmja dhe e ardhmja e brezave që vijnë. Arsimi nuk është partiak që të na ndajë, nuk është vetëm profesion , është mbi të gjitha mision. Mision që na bashkon”.
“Prandaj, buxheti i këtij viti për arsim është 12% më i lartë sesa në vitin paraprak. Kryefjalë është avancimi i sistemit arsimor, në epiqendër do të jenë nxënësit dhe mësimdhënësit. Duke avansuar edukimin dhe përmirësuar rezultatet në arsim e zhvillojmë edhe shtetin”, ka deklaruar ajo. /Kids of Kosova & Albanian Kids Education /
