Ministrja e Arsimit, Shkencës, Teknologji dhe Inovacionit (MAShT), Arbërie Nagavci thotë se aktualisht nuk është koha për greva të cilët janë paralajmëruar nga SBAShK-u.
Sipas saj, Qeveria e Kosovës po punon shumë dhe grevat e protestat janë të panevojshme për shkak të humbjeve në mësim të nxënësve.
Ministrja e Arsimit është shprehur se bashkë me mësimdhënësit dhe SBASHK-un duhet të japin maksimumin për të përmirësuar rezultatet në arsim.
“Unë nuk besoj që është koha për greva, Qeveria e Kosovës është duke punuar shumë. Humbjet tek nxënësit kanë qenë të mëdha, kështu që besoj që bashkë me të gjithë mësimdhënësit dhe SBAShK-un duhet të japin maksimumin për fëmijët tanë. Ka shumë nevojë për përmirësim të rezultateve në arsim”, tha Nagavci, për KosovaPress.
Kryetari SBAShK-ut, Rrahman Jashari ka deklaruar për Reporteri.net se nëse kryeministri Albin Kurti nuk i takon pas 8 prillit dhe nuk arrijnë marrëveshje me Qeverinë për kërkesat që kanë, atëherë do arsimi do të hy në grevë të përgjithshme.
SBAShK-u po kërkon që deri në miratim të Ligjit të Pagave punëtorëve të arsimit tu shtohen 100 euro në pagë.
