Arbërie Nagavci që mban pozitën e ministres është emëruar Kryesuese e Këshillit të Përgjithshëm në vendin që deri tani në VV kishte Hydajet Hyseni.
Kështu Nagavci tash do të ketë edhe një angazhim të ri që do t’i marrë kohë.
Dhe në anën tjetër due duke ditur që pozita e ministres së Arsimit kërkon shumë angazhim dhe përgjegjësi, shtrohet pyetja a mund ta kryejë me sukses detyrën si e para e arsimit në vend.
Ish-bashkëpartiaku i saj, tash analist, Visar Ymeri, të hënën mbrëma në emisionin ‘Debat Plus’, ka përmendur këtë çështje duke thënë se nuk e di sa është në rregull që Nagavci është emëruar në një pozitë në parti kur kihet parasysh se ka një pozicion shumë të rëndësishëm si ministre e Arsimit.
Sigurisht se edhe pozita brenda partisë do t’i marrë kohë, por mbetet të shihet nëse do ta pengojë apo jo ta kryejë me sukses detyrën e ministres së Arsimit.
Veçanërisht kur në fund të vitit, sistemi arsimor sërish mund të përballet me greva. /Albanian Kids Education/
