Ministrja e Arsimit, Arbërie Nagavci iu ka uruar maturantëve suksese në provimin e maturës shtetërore që mbahet sot.
Ajo përmes një postimi në Facebook, u uroj atyre që ta finalizojnë me rezultatet më të larta provimin e maturës.
“Ju uroj shumë suksese sot, në provimin e maturës shtetërore. Keni përfunduar me sukses vitet e shkollimit, jeni përballur me sfidat që na solli pandemia dhe uroj të finalizoni me rezultatet më të larta provimin e maturës”, ka shkruar ajo.
Nagavci i siguroi maturantët se do të ketë gjithmonë mbështetje nga ministria.
“Ju siguroj se nga ana jonë do të keni gjithmonë mbështetje të pakursyer, por sot suksesi varet vetëm nga ju. Andaj, me qetësi e besim jepeni më të mirën nga vetja. Nga zemra, fat e shumë suksese të gjithëve”, shkroi tutje ajo.
