Sot, Betimi për Drejtësi ka raportuar se është ngritur aktakuzë ndaj ministres së Arsimit, Shkencës, Teknologjisë dhe Inovacionit – MASHTI, Arbërie Nagavci.
Sipas raportimit, ministrja Nagavci pritet të dalë para gjykatës së shpejti lidhur me akuzën se ka kryer veprën penale “Mbajtja në pronësi, kontroll ose posedim të paautorizuar të armëve”.
Nagavci po akuzohet se më 21 mars të 2018-ës, gjatë mbajtjes së seancës në Kuvendin e Kosovës në të cilën ishte hedhur gaz lotsjellës, gjatë kontrollimit nga policia asaj i ishte gjetur një sprej ngjyrë e gjelbër me pjesë spërkatëse të zezë, raporton “Betimi për Drejtësi”.
Lajmi.net ka kontaktuar me ministren Arbërie Nagavci, por e njëjta ka thënë se nuk është në dijeni se është ngritur aktakuzë ndaj saj.
“Jo nuk kam ndonjë informacion”, ka deklaruar shkurt ajo.
