Ministrja në detyrë e Arsimit, Arbërie Nagavci, ka njoftuar se ka anuluar vendimin për zgjedhjen e Drejtorit të Institutit Albanologjik të Kosovës.
Ajo thotë se ky vendim vije për shkak të shkeljeve të dispozitave ligjore gjatë procesit të zgjedhjes.
Postimi i saj:
Anulohet vendimi për zgjedhjen e Drejtorit të Institutit Albanologjik të Kosovës
Ministria e Arsimit, Shkencës, Teknologjisë dhe Inovacionit, në bazë të kompetencave të saj, ka për obligim të sigurojë respektimin e legjislacionit në fuqi. Në këtë linjë, për shkak të shkeljeve të dispozitave ligjore gjatë procesit të zgjedhjes, kemi anuluar vendimin për zgjedhjen e Drejtorit të Institutit Albanologjik të Kosovës.
Këshilli Drejtues obligohet që, pa vonesë, të ndërmarrë të gjitha veprimet e nevojshme për caktimin e ushtruesit të detyrës dhe shpalljen e konkursit.
Si Ministri e Arsimit, mbesim të përkushtuar ndaj respektimit të legjislacionit dhe parimit të meritokracisë.
Të gjitha shkeljet e adresuara në këtë vendim janë serioze dhe, për këtë arsye, do të procedohen më tej në organet kompetente.
