Njëra nga mësueset më në zë në Mitrovicë ka qenë Nafije Rexha në shkollën “Abdullah Shabani”, e cila çuditërisht më nuk po jep mësim.
Klasa e 3-të tani, me cilën ajo e kishte nisur klasën e parë në kohë pandemie kishte pasur shumë mungesa dhe probleme, por ishin tejkaluar për të mirë, ndërsa tani sërish janë shfaqur probleme për këtë gjeneratë, shkruan Jepi zë.
Por mëseusja Nefije Rexha ka disa ditë që nuk po shkon në shkollë, duke i lënë nxënësit në mëshirën e të tjerëve.
Prindërit janë ankuar shumë për këtë veprim të mësueses, e cila i ka lënë fëmijët e tyre pa paralajmërim, ndërsa sot ata po mësohen nga kush po munden.
“Çdo dite po jau ndërrojne msueset tash, bile sot msim ju ka majt edhe drejtori, po i lshojne ma heret, u ra displina, fmija dojne me na shku posht”, ka shkruar ky prind.
Ndryshe, Nafije Rexha është edhe asambleiste e PDK-së në Kuvendin e Mitrovicës, dhe nuk dihet nëse ka gjetur ndonjë angazhim në Komunë, por veprimi i saj për lënien e fëmijëve në “gjysmën e rrugës” është kritikuar shumë.
Mësuesja nuk dihet nësa ka marrë ndonjë pozitë në ekzekutiv, por ajo mund ta ketë zgjedhur që ta ruaj edhe vendin e punës që pas një kohe të kthehet sërish, pasi drejtoria e arsimit nuk ka dërguar deri tani asnjë mësimdhënëse.
