Ankohen nxënësit e gjimnazit “Frang Bardhi”: Klasa 12/3 me xhama të thyer, po rrezikohet shëndeti i tyre

Klasa 12/3 që gjendet në katin e dytë të gjimnazit “Frang Bardhi” në Mitrovicë nuk ka kushte ideale për mësim.

Një nxënës i kësaj klase që ka dashur të mbes anonim ka dërguar pamje nga ambienti ku mbahet mësimi, shkruan Jeoi zë.

Në foto shihet se xhamat e një dritare janë thyer, dhe për këtë ata po hasin në disa vështirësi.

Sipas tij përveç të ftohtit, ata po ndihen edhe të rrezikuar për mundësinë e ndonjë incidentit nga ky dëmtim.

Sipas tij ky dëmtim ka ndodhur kohë më parë por askush nuk është interesuar ta rregullojë.