Duke pasur parasysh që konsumues të përmbajtjeve të mediave online janë të gjithë, përfshirë edhe një numër i konsiderueshëm të fëmijëve – shihet nevojë e madhe që Edukimi Medial, të jetë i pranishëm në secilën shkollë të Kosovës.
Por Lënda e Edukimit Medial, aktualisht është lëndë zgjedhore vetëm në disa shkolla të arsimit parauniversitar në Kosovë.
Ndonëse, ka vite që po kërkohet që kjo lëndë të jetë edhe obligative, një kërkesë e tillë deri tani ka has në vesh të shurdhër, pasi Ministria e Arsimit nuk po miraton një gjë të tillë.
Përgjgja që Ministria e Arsimit kishte dhënë për AlbanianEducation.net më 23 dhjetor të vitit 2023:
“Lënda e edukimit mediatik është vendosur në listën e lëndëve të propozuara me zgjedhje nga ana e MASHTI në maj të vitit 2023, saktësisht për shkollat e mesme të ulëta dhe shkollat e mesme të larta. Bazuar në Udhëzimin Administrativ Nr 11/23 për kurrikulën me zgjedhje në arsimin parauniversitar, është përgjëgjësi e shkollave që të bëjnë përzgjedhjen e lëndëve zgjedhore”.
“Sipas nenit 13, të këtij UA, Këshillat e klasave propozojnë lëndët me zgjedhje deri në fund të muajit prill të vitit paraprak shkollor”. Të bashkëlidhur gjeni UA-11/2023 dhe Listën e propozimeve për lëndë zgjedhore: Lista e propozimeve për lëndët me zgjedhje – MASHT (rks-gov.net)”.
AlbanianEducation.net ka realizuar një anketë me lexuesit që janë shumica mësimdhënës për t’i pyetur nëse Edukimi Medial duhet të bëhet lëndë zgjedhore, dhe shumica kanë thënë PO.
69 për qind e lexuesve që kanë votuar në anketë kanë thënë PO
29 për qind e lexuesve që kanë votuar në anketë kanë thënë JO
Kurse 2 për qind janë përgjigjur në opcionin Nuk e di.
AlbanianEducation.net
