Sindikata e Bashkuar e Arsimit ka alarmuar se largimi i mësimdhënësve jashtë vendit është shndërruar në fenomen.
Mësimdhënësit po e shfrytëzojnë pushimin 1-vjeçar pa pagesë për të tentuar të gjejnë punë më të mirë jashtë vendit. Shfrytëzimi i pushimit pa pagesë për arsye që nuk lidhen me shëndetin ose me ngritjen akademike, nga njohësit e arsimit vlerësohet si keqpërdorim për të ruajtur vendin e punës.
AlbanianEducation.net ka realizuar një anketë me lexuesit ku i ka pyetur: A ka rrezik që shkollat e Kosovës të mbeten pa mësimdhënës pasi të hynë në fuqi liberalizimi i vizave nga janar i 2024-tës?
77% e lexuesve janë përgjigjur në opsionin PO
22% e lexuesve janë përgjigjur në opsionin JO
1% e lexuesve janë përgjigjur në opsionin Nuk e di
Kujtojmë se Ligji i Punës ua mundëson që të punësuarit të marrin një vit pushim pa pagesë dhe pas asaj periudhe të kthehen në vendin e punës. Kërkesa për pushim pa pagesë aprovohet nga drejtoritë komunale të arsimit, kur mësimdhënësit i nevojitet për çështje mjekësore apo për ngritje profesionale. /AlbanianEducation.net/.
