Një nga temat që shpesh bëhet temë diskutimi është nëse mësimdhënësit duhet të testohen me shkrim apo jo.
Ministria e Arsimit, Shkencës, Teknologjisë dhe Inovacionit (MASHTI) është duke përgatitur një pako ligjore në të cilën parashihet licencimi i mësimdhënësve të Republikës së Kosovës.
E krahas saj në media kanë qarkulluar disa lajme edhe për një testim të mundshëm me shkrim të mësimdhënësve.
Por një ide e tillë nuk është mirëpritur nga Sindikata e Bashkuar e Arsimit, Shkencës dhe Kulturës (SBASHK), e cila e ka kundërshtuar ashpër atë.
Gazeta Online Albanian Education ka realizuar një anketë me lexuesit e saj ku i ka pyetur nëse duhet apo jo të testohen me shkrim mësimdhënësit.
Dhe rezultati ka dalë më shumë ‘JO’. 59% e lexuesve janë shprehur kundër testimit të mësimdhënësve duke u përgjigjur ‘JO’, kurse 41% e lexuesve janë përgjigjur me ‘PO’.
/AlbanianEducation.net/
