“7 Marsi – DITA E MËSUESIT”
Hapja e MËSONJËTORES SË PARË SHQIPE në KORÇË.
Një moment NDERIMI për FIGURËN E MËSUESIT, për MISIONIN dhe SAKRIFICËN e tij.
NJË PROFIL I SHKURTËR I MËSUESIT.
Mësuesi është më shumë se një profesionist i dijes është udhërrëfyes, model dhe frymëzim.
Ai nuk mëson vetëm lëndën, por formon karakterin, nuk jep vetëm nota, por ndërton besim, nuk përcjell vetëm njohuri, por kultivon vlera.
Një figurë plot DINJITET e PERSONALITET që zotëron dijen dhe e ndan atë me pasion.
Ka durim, edhe kur lodhja flet më fort se zëri.
Kupton shpirtin e nxënësit, jo vetëm gabimin e tij.
Është i drejtë, por edhe i dhembshur.
Është shembull, sepse nxënësit mësojnë më shumë nga sjellja sesa nga fjala.
Të ZOTËROSH PROFESIONIN E MËSUESIT me profesionalizëm do të thotë të ketë përgatitje të vazhdueshme me metoda bashkëkohore mësimdhenieje, njeh psikologjinë e moshës dhe individualitetin e çdo nxënësi, ndërton figurën e tij.
