Merret me muzikë, poashtu është një piktore e dalluar, ndërsa kur të rritet synon të bëhet një ekonomiste e suksesshme.
Fjala është për Ana Rrapin, 8-vjeçaren nga Tirana, e cila në një intervistë për “Kids of Kosova” (www.kidsofkosova.net) flet për angazhimet e deritanishme dhe për planet e të ardhmes.
Kids of Kosova: Një prezantim tuajin të shkurtër?
Ana Rrapi: Jam 8-vjeçare, studioj në shkollën 9-vjeçare ‘Gjon Buzuku’. Në shkollë jam nxënëse shumë e mirë me fleta lavdrimi.
Kids of Kosova: Ju merremi me vallëzim dhe pikturë. Cili është pasioni juaj?
Ana Rrapi: Kam qenë në moshën 5-vjeçare kur kam nisur kursin e valleve të mjeshtër të madh Skender Haklaj. Po ëndrra ime vazhdon sërisht te Qendra Kulturure Kombëtare e Fëmijëve ku plotë dy vite vazhdoj të jem në dy kurse atë të këngës dhe të pikturës ku kam marrë pjesë në shumë aktivitete dhe jam vlerësuar me shumë çmime.
Kam marrë pjesë edhe në “Mis and Mister Children” organizuar nga Albana Cakshiri, ku kam fituar çmimin “Miss Photogenic” .
Kids of Kosova: Merreni edhe muzikë?
Ana Rrapi: Kam realizuar këtë vit këngën time të parë “KUKULLA IME” një këngë që është pritur shumë mirë nga të gjithë moshatarët e mi.
Kids of Kosova: Na flisni pak për pasionin e pikturës që keni?
Ana Rrapi: Gjatë këtij viti kam marrë pjesë dhe në ekspozitën e krijuar nga QKKF ku unë pikturova një skenë me shumë fëmijë të lumtur.
Kids of Kosova: Për fund, ëndrra e juaj kur të rritesh?
Ana Rrapi: Unë do të vazhdoj të shkojë në kurse edhe për shumë vite. Por ëndrra ime është të jem një vajzë e shkolluar dhe një ekonomiste e zonja.
(Kids of Kosova)
