Shkolla “Hamit Sejdiu” në Kërpimeh ka vazhuar me prezantimin e mësimdhënësve të saj.
Së fundmi ka prezantuar arsimtaren e Matematikës- Informatikës, Amire Hoxha-Kosumi, e cila punën në arsim e nisi në vitin 2015, shkruan AlbanianEducation.net.
Postimi i shkollës:
Mësimdhënia jo vetëm profesion!
Ju prezantojmë me arsimtaren e Matematikës- Informatikës Amire Hoxha – Kosumi
U lind në fshatin Pakashticë e epërme. Shkollën fillore e kreu në vendlindje, ndërsa të mesmen në Podujevë.
Diplomoi në Fakultetin e Edukimit, drejtimi Matematikë-Informatikë.
Punën në arsim e filloi në shtator të vitit 2015, në shkollën e fshatit Dyz, ndërsa që nga viti 2021 është pjesë e shkollës tonë.
Përveçse në shkollën tonë, profesionin e ushtron edhe në shkollën “Shaban Shala”, në Podujevë.
Gjithashtu, përveç punës edukativo-arsimore, vazhdon kontributin e saj edhe në aktivitete tjera, bashkë me nxënësit tanë!
