Intervistoi: Donat Maloku
Është 11-vjeçare por ka disa talente. Merret me pikturë dhe mëson kanto. Kurt ë rritet thotë me bindje se dëshiron të bëhet një këngëtare e suksesshme, por shkollën dëshiron ta mbarojë për arkitekturë.
Fjala është për Amejla Toskaj nga Tirana, por me origjinë nga Tropoja. Ajo në një intervistë për “Kids of Kosova” (www.kidsofkosova.net) flet për aktivitetet e saj të deritanishme dhe sigurisht ëndrrat që synon t’i realizojë kur të rritet.
Kids of Kosova: Një prezantim, nga jeni, sa vjeçare, ku vijoni mësimet?
Amelja Toskaj: Jam me origjinë nga Tropoja, por kam lindur dhe jetoj në Tiranë. Jam 11 vjeçare. Mësimet i ndjeki në shkollën “Drita Pelinku”.
Kids of Kosova: Mësoni kanto. A synoni të bëheni në të ardhmen këngëtare?
Amelja Toskaj: Po unë mësoj kanto, do të vazhdoj të merrem me muzikë dhe në të ardhmen shpresoj të bëhem një këngëtare e suksesshme.
Kids of Kosova: Poashtu merreni edhe me pikturë. A synoni ta hapni një ekspozitë tuajën?
Amelja Toskaj: Përveç me muzikë merrem edhe me pikturë. Deri tani kam realizuar disa piktura dhe kam talent edhe në këtë fushë. Pasi të realizoj edhe disa piktura do ta shoh mundësinë dhe do të më pëlqente të hapja një ekspozitë ku do të shihej puna ime nga të gjithë.
Kids of Kosova: Më shumë e shihni veten si piktore apo këngëtare kur të rriteni?
Amelja Toskaj: Më pëlqejnë të dyjat, por më shumë e shoh vetën kur të rritem si muzikante. Por shkollën mendoj ta mbaroj për arkitekturë.
Kids of Kosova: Për fund, mesazhi juaj për bashkëmoshataret?
Amelja Toskaj: Mesazhi im për bashkëmoshatarët e mi është: Mos hiqni kurrë dorë nga ëndrrat tuaja, sepse me punë e me vullnet arrihet gjithçka. (KidsofKosova).
