Altin Hazizaj nga CRCA, ishte këtë të premte i ftuar në emisionin “Review” në Euronews Albania për të folur rreth ngjarjes shumë të rëndë të dhunimit të vajzës 3-vjeçare në kopsht dhe dhunës së ushtruar në ambientet ku fëmijët dërgohen për t’u edukuar.
Hazizaj tha se në të vërtetë në të gjithë strukturat e arsimit në Shqipëri duhet një reformë e thellë duke filluar nga buxheti e deri te mësuesit, pasi sipas tij në kushtet e tanishme, vetëm gjysma e mësuesve në Shqipëri kanë aftësinë për të dhënë mësim.
“Arsimi publik shqiptar ka nevojë për një reformë totalisht të thellë. E para ëhstë buxheti. Ka 13 vite që premtohet se busheti do të shkojë 5% ka qenë që në programin e parë tq qeverisë Rama. Buxheti për arsimin sot në shqipëri ëhstë 2.4% e GTP-së.
Është buxheti më i ulët i çdo shteti në të gjithë Europën. E dyta që ëhstë një e vërtetë shumë e hidhur, gjysma e mësuesve në Shqipëri i përmbushin kriteret dhe konsiderohen të aftë për të dhënë mësim, gjysma tjetër e mësuesve nuk konsiderohen të aftë për të dhënë mësim. Duhet investuar te dija e mësuesve”,-tha Altin Hazizaj. /Euronews.al/
