Artisti kosovar, Alkent Pozhegu, ka shpalosur artin e tij krejtësisht të veçantë në një mënyrë për të falënderuar kancelaren gjermane, Angela Merkel e cila vazhdon të mbetet një shembull për të gjitha gratë e botës e sidomos për mbështetjen që ajo i ka dhënë Kosovës.
Pozhegu në një intervistë për “Kids of Kosova” (www.kidsofkosova.net) ka treguar ppse ka realizuar mozaik për Merkelin, tregon për mozaikët e tjerë që ka realizuar dhe planet e tij.
Intervistë e plotë mund ta lexoni më poshtë:
Një prezantim i shkurtër i juaji, shkollimi, profesioni?
Jam Alkent Pzhegu, i lindur dhe jetoj në Gjakovë.
Kam të përfundur shkollën e mesme të tregtisë, me profesion Gastronmi.
Artin e trashëgoj nga familja.
Së fundmi keni realizuar një mozaik për kancelaren gjermane, Merkel. Na flisni pak nga erdhi ideja, dhe nga cfarë është realizuar?
Ideja për Merkelin erdhi pasi besoj se do të jetë shembull dhe inspirim i femrave apo grave që me punë të sukseshme arrihen suksese të mëdha. Merkel ishte gruaja më e fuqishme në botë dhe mozaikun e bëra edhe për perkrahjen e pakursyer që ka dhënë për Republikën e Kosovës.
Sa kohë ju merr të realizon një mozaik?
Për ta punuar një mozaik më merr kohë përafërisht 3-4 javê.
Edhe për cilët personalitete tjera keni realizuar mozaik të tillë?
Personazheve të tjera që ju kam bërë mozaik janë edhe: Rita Ora, Donalt Tramp, Angelina Jolie, Adem Jashari, Ibrahim Rugova, djemt e Asfalltit-Përmet Vula, Yll Morina, Besim Bishtazhini, Elton Zherrka, Joe Biden, Dua Lipa dhe tani Angela Merkel.
Për fund, a jeni duke punuar ndonjë mozaik të radhës? Nëse po çfarë është?
I kam disa ide, por që me kohën do t’i shfaqi para opinionit. /Kids of Kosova/.
